کُه جهان بین کِه جهون ایبینی *** سر نهادی به فلک خلق جهون ایبینی پاتِه چی َسرو َرسا هِشتیه ری بون وطن *** اَوِ دِریانِه چی پالَه به دُوون ایبینی مو چِه دونُم تو ز کِی پا به وِلاتُم هِشتی *** همی دونُم که هَنی روز و شُوون ایبینی سالها سر به هوا پا به زِمین سِیل اِکُنی *** سِیلِ اَویدَن و رَهدَنِ بشر حاصِلِ دُورُن ایبینی اي هَمِه قافِلِه و رَهزَنِ با یَک ایبینی *** اينِشینی به شُوِ تار و شَبیخون ایبینی کُه بَرَفتُو که ز گندم به بَهارون شاد بید *** اِشکََِمس دِردَ به چنگ و به دوهون ایبینی اِ شکَمیس دِردِن و اِشکَمَسِ بُردِن به وِلاتا *** لاشه َسنگاسِه سَر ِ قَبر ِ جِوون ایبینی هَمِه دُ نیانِه ایبینی زِ فَلَق تا به شَفَق *** هَمه جا رَنجِ بَشَر از پِیِ نون ایبینی مِنِه اي خَلقِ جَهُون اي هَمِه شِیطون ایبینی *** شِیطونِه به کارِ خُس عاجِز و حِیرون ایبینی تَش گِرِد مُلکِ وطن زِ دَردِ بی بارونی *** مُلکِتِه وُر مِنِه اي دَرد ِ بی دَرمون ایبینی قَهرِ اي گُنبَدِ دَوّارِ به مُلکِت ایبینی *** مِنِه آسِمونِ ایرون ، اُورِ بی بارون ایبینی دیه چی سالا قدیم بَرف به کولِت نیبینی *** رنگ و ري سُودِه خُتِه مِنِه آسِمون ایبینی تونِه او مَلِک الخاطین سی دِلِ مَردُمِ پاک *** اَر یَه وَقتی او بالا خدا خُمُونِه ایبینی یَه تَمَنّا زِس بُکُن و بِس بُگُو رَبِ جَلیل *** خُت زِ بالا بَندِیَلِت به اي دامون ایبینی بَندِیَلِت نَه فقط آدُما کَج رَفتارِن *** هَمِه جُنبَندِه و هَر چی کِه به هامون ایبینی کُه جهان بین بِس بُگَو عادلِ سَتّارِ عُیوب *** زاهِد و ظالِمِ زیرِ یَه بوهُون ایبینی هرچی سالا اِرُوِن دَردُمِ دَرمون نیکُنی *** لُوِ حُشکِ کَهریز و آغجَه بُرُون ایبینی ای خدای قادر و خالقِ اي خلقِ جَهون *** شالی زارِ گینِه کون حیفِ که مَحزون بوینی